RASYUNAL, MITHIIN AT MGA LAYUNIN


Ang mithiin natin sa pag gamit ng magagalang na salita tulad ng po at opo, ate at kuya ay naibabalik natin ang ating nakagisnang kultura. Ang po at opo, ang pag-mamano sa nakatatanda sa atin, at ang pag-aantanda pag napapatapat sa simbahan ang mga ito ang  kultura na hindi dapat mawala sa bawat Pilipino.

Ang layunin ng aming grupo ay maipabatid sa mga bagong henerasyon ang kahalagahan ng kulturang Pilipino. Nais naming ipaunawa sa lahat na ang pag-gamit ng po at opo ay sumasalamin sa ating pagkatao dahil pag ikaw ay magalang ibig sabihin isa kang mabuting tao at igagalang ka rin ng iyong kapwa. Dahil kahit may pinag-aralan ang isang tao kung ang kanyang pananalita ay hindi magalang, nawawala ang kanyang pinag-aralan.

Bilang Pilipino, likas na sa atin ang pagiging magalang sa ibang tao, lalung-lalo na sa aspeto ng pakikipagtalastasan; dahil dito ay pinupuri at kinahahangaan tayo ng ibang lahi. Pero maliban sa kapurihan na matatanggap sa iba ay may mas malalim pa itong kapakinabangan sa atin, ito ay dahil ang pagpapakita ng paggalang ay nakakataas ng uri ng pagkatao. Kahit ang simpleng paggamit ng magagalang na salita ay isang hudyat ng paggalang sa ating kausap. Sa ating kultura, isa itong kayamanan at tradisyon na ipinapasa ng mga magulang sa kanilang mga anak at apo; ang pagtuturo nito ay nagbabago kada henerasyon ngunit ang mismong mensahe na ipinaparating nito ay hindi pa din nagbabago. Kaya ito ang nais naming ipabatid sa susunod na henerasyon. Ipapamulat naming sa kanila ang kariktan ng ganitong mga salita sa pamamagitan ng isang maikling dula. Ang dulang ito ay hahatiin sa dalawang parte. Ang una ay ang normal na eksena na kung saan ay itatampok namin ang mga magagalang na salitang karaniwang ginagamit sa pangaraw-araw na paguusap. Ang pangalawa naman ay katulad ng unang eksena ngunit ay tatanggalin namin ang mga magagalang na salitang ginamit sa unang eksena. Inaasahan naming madama nila ang kahalagahan ng mga magagalang na salita kahit sa pangkaraniwang paguusap lamang. Ang mga simpleng pagtatanghal na ito ay nakakamulat ng kamalayan at kaisipan ng mga taga-subaybay nito sa tunay na kabuluhan ng paggamit ng magagalang na salita.